USAPANG PERA TV YOUTUBE JOURNEY

Ginawa ko po ang channel na "USAPANG PERA TV" noong August 05, 2018. Layunin nito para magabayan through video tutorials lalo na sa pag-apply ng loan online. Hindi naman malakas ang hatak ng aking mga videos sa mga viewers dahil noong time na yon, hindi pa ako marunong mag-edit at mas lalong ayaw kung humarap sa camera. Kaya ang ginawa ko ay mag record lang ng mga tutorials sa cellphone para makikita ng aking mga viewers kung ano ang mga steps na gagawin sa pag-apply ng loan sa mga lending applications sa Playstore.

Hindi ako madalas mag-upload ng mga videos pero consistent naman ang nanonood ng aking mga videos kaya noon June 05, 2019 I was approved sa aking monetization application. Hindi ko napagdaanan ang mga pinagdaanan ng iba pagdating sa PIN dahil matagal na po akong nakatanggap ng PIN mula kay Google Adsense dahil blogger po ako simula pa noong 2007. Nag-apply ako ng Google Adsense noong 2008 at doon taon ding yon natanggap ko ang aking PIN dahil kumita agad ang aking blog.

First month revenue ko sa aking channel ay nakuha ko agad dahil every month na po akong sumahod sa Google Adsense dahil kumikita na ang aking blog na www.usapangpera.ph at doon ako kumita ng malaki every month. First revenue ko sa USAPANG PERA TV noong June 2019 ay $81.63.

To make the long story short, nag enjoy ako sa aking monthly revenue kay Youtube. Kahit papano nakakatulong din sa mga bills obligation ko bawat buwan. Pero noong nagka Covid-19 na ang buong mundo, bigla ding bumagsak ang revenue ni UPTV. Dalawang buwan din na hindi sumahod ang UPTV at ang aking blog. Kaya naghanap ako ng paraan para makabawi sa dalawang buwan na pagkabagsak.

Sa hindi inaasahang pagkakataon, mayron akong nakilala na tao sa isang FB group at siya ang naging tulay para matuklasan ko ang mundo ng Live Streaming. Malaki ang aking pasasalamat na nakilala ko si CEL TV CHANNEL. Dahil sa kanya, lumaki si UPTV at lumaki na rin uli ang kanyang monthly REVENUE. Higit sa lahat, nakikilala na rin sa maraming mga OFW sa iba't-ibang bahagi ng mundo.

At malaki din ang naging bahagi ng aking mga ORGANIC FAMILY sa aking YT Journey sa ngayon. Abangan ang mga susunod kong post tungkol sa mga ORGANIC MEMBERS ng aking channel. Kilalanin natin ang bawat isa sa kanila.